IA MARR DUART E SAJ NË DUART E MIA
Nga RABINDRANATH TAGORE
E Shtunë, 03.29.2014, 09:22am (GMT+1)
Ia marr duart e saj në duart e mia
dhe e shtrëngoj në gjoksin tim.
Orvatem t'i mbush përqafimet e mia
me bukurinë e saj,
ta grabis me puthjet e mia
buzëqeshjen e saj të ëmbël,
t'i pi shikimet e saj esmere
me sytë e mi.
Po ku është?
Kush mund ta zhvatë kaltërsinë nga qielli?
Kërkoj t'ia marr bukurinë;
ajo më përvidhet
duke lënë trupin e saj
në duart e mia.
I lodhur e i dërmuar hiqem mënjanë.
Si mundet vallë trupi të prekë
lulen që vetëm
shpirti arrin ta lulëzojë? Përktheu: SKËNDER BUÇPAPAJ
|
Comments (0)
Dërgoja shokut
Printo
