VJEN PLEQËRIA
Nga AGIM GASHI
E Premte, 03.28.2014, 09:00pm (GMT+1)
Ah sa shpejt ardhi pleqëria
Por nuk plaket dashuria,
Pas lindjes të vjen vdekja
Sa e shkurtër kenka jeta!
Si një ëndërr kalojnë vitet
I lumi ai që jetoj me nder,
Kush e vjedhi e tradhëtoi atdheun,
Ata presin një vdekje t´mjerë.
Spiujt e ndyrë kur të varrosen
Ndytësirat u fluturojnë,
Kalimtarët vorrin ja pshurrin,
Ndersa sorrat aty glacojnë.
O Ju njerz të atdheut tim,
Pritne vdekjen dhe pleqërinë,
Kush e bën vdekjen e ndershme
Nderojnë veten dhe Shqipërinë.
28.03.14
Düren
AGIM GASHI
|
Comments (0)
Dërgoja shokut
Printo
