Në foto: Gazmend Turdiu, Sekretar i Përgjithshëm i MPJ-së së Shqipërisë në zyrën e redaktorit të gazetës kombëtare "Bota sot" Nefail Maliqi në pallatin e OKB-së në Gjenevë.
Voal-online -Sekretari i Përgjithshëm i Ministrisë së Punëve të Jashtme të Shqipërisë, Gazmend Turdiu dje ka vizuar zyrën e redaktorit të Gazetës kombëtares "Bota sot" në Pallatin e Kombeve të Bashkuara në Gjenevë. Diplomati shqiptar është pritur nga Nefail Maliqi, redaktor i gazetës për marrëdhënie ndërkombëtare.
Fillimisht, gjatë kësaj vizite Turdiu ka njoftuar redaktorin Nefail Maliqi mbi zhvillimet aktuale në Shqipëri dhe rolin e Tiranës zyrtare në lobimin pro pavarësisë së Kosovës. Sipas Sekretarit të Përgjithshëm të diplomacisë shqiptare "qeveria shqiptare është në linjën e parë të frontit diplomatik si në SHBA ashtu edhe në Gjenevë e Bruksel në lobimin për njohjen e Kosovës në botë si dhe anëtarësimin e saj në OKB".
Ndërsa, redaktori Nefail Maliqi e ka njoftuar z. Turdiu mbi historikun dhe zhvillimin e gazetës si dhe aktivitetin e OKB-së këto vitet e fundit për Kosovën. Dihet se Gazeta kombëtare "Bota sot", ka dhënë një kontribut të madh në ndërkombëtarizimin e çështjes së Kosovës dhe të shqiptarëve në përgjithësi.
Comments (0)
Dërgoja shokut
Printo
