Në Kapadoki, transmeton Koha.net shkrimin e Daily Mail,
turku më 1963 derisa po përpiqej të rinovonte shtëpinë zbuloi diçka të
pabesueshme. Ai pasi shembi murin e bodrumit të shtëpisë së vet prapa
tij zbuloi një tunel, pastaj një objekt, përtej tij edhe një tjetër,
pastaj edhe një... Kështu fare rastësisht zbuloi qytetin më të madh
nëntokësor në Turqi, thellë nën tokë 85 metra.
Për këtë qytet të pazakonshëm nëntokësor pa mëdyshje mund të thuhet se
është një kryevepër inxhenierike dhe një zbulim i madh arkeologjik.
Përmes tij rrjedh uji i pijshëm, ka një varg sistemesh ventilimi, banesa individuale, shitore, bunarë, ambiente për ruajtjen e armëve, madje edhe varre.
Në qytet madje është gjetur edhe shkolla si dhe ambiente të veçanta për
mbajtjen e kafshëve. Deri më tash janë zbuluar 52 vrima ventilimi e po
ashtu është zbuluar se jo të gjitha burimet ishin të lidhura me
sipërfaqen, mbi tokë, me siguri nga frika se pushtuesit do të mund t'i
helmonin.
Supozohet se ky qytet nëntokësor, që mund të akomodonte deri në 50
mijë banorë, është ngritur në shekullin e 17-të ose të 18-të para erës
sonë.
Gjatë ngritjes së Perandorisë Perse qyteti është përdorur si vendbanim
për refugjatë, më vonë si strehimore nga invadimi i romakëve e i
arapëve.
Qyteti nëntokësor banorëve të tij gjatë vrave përcëlluese u ofronte
mbrojtje të shkëlqyeshme nga vapa, kurse gjatë dimrit si strehimore nga
të ftohtit.
Ky qytet impresiv nuk është zbulimi i vetëm arkeologjik në Turqi. Afër tij janë zbuluar rreth 200 qytete të tjera nëntokësore, nga të cilët 40 kanë tri nivele nën tokë. Të gjitha këto qytete mund të strehonin rreth 100 mijë njerëz.