Voal-online As në spital nuk e humb ndjenjën e tij të humorit Jay Leno. Drejtuesi i shfaqjes së famshme televizive The Tonight Show, 58 vjeç, e pezulloi regjistrimin e emisionit të tij bisedor të enjten dhe shkoi për vizitë në Qendrën Mjekësore Providence Saint Jospeh në Burbank. Asnjë njoftim nuk u dha lidhur me natyrën e sëmundjes së njeriut të famshëm, por një zëdhënëse e emisionit të tij tha se Jay Leno "është duke u përmirësuar tashmë".
"Ai po shkrihej së qeshuri me personelin e spitalit dhe po vazhdonte me të njëjtën ndjesi të humorit si në shfaqjet e tij edhe me mjekët e infermieret," tha Tracy St. Pierre e NBC. "Ai pritet të rikthehet normalisht në punë përsëri të hënën."
Sipas burimeve të brendshme, Leno, i cili rrallë herë ankohet të jetë i sëmurë dhe që është i njohur për përkushtimin e tij ndaj punës, "sapo kishte filluar të mos e ndjente veten mirë. Dikush nga shfaqja e mori në veturën e tij dhe e çoi drejt e në spital."
Aktori Ryan Reynolds si dhe disa zbutës kafshësh e disa rrëshqanorë është parashikuar të jenë në shfaqjen e ardhshme të Jay Leno.
Comments (0)
Dërgoja shokut
Printo
