VOAL - Online Zëri i Shqiptarëve - VIKENA KAMENICA BËHET NËNË

Tiranë, 22 dhjetor - Artisja e dashur e publikut shqiptar, Vikena Kamenica ka sjellë në jetë gjatë mesditës së djeshme fëmijën e saj të parë. Krista është emri i vogëlushes së cilës i uruan dje mirëseardhjen prindërit dhe të afërmit.

Krista e vogël peshon 3.3 kg dhe për prindërit e rinj është dhurata më e bukur që mund të merrnin këtë fundvit. Siç mësuam nga të afërm të sopranos, emri i vajzës lidhet pikërisht me festën e "Krishtlindjeve", duke qenë se ajo ka lindur fare pranë saj.

Siç tregojnë familjarët, vajza e vogël i ngjan më shumë të atit, Erik. Atmosfera në dhomën e sopranos është shumë e gëzueshme dhe siç pritej në të nuk kanë munguar lulet dhe tullumbacet, që i kanë dhënë edhe më shumë ngjyra kësaj dite të veçantë, raporton Gazeta Shqiptare.

E tërhequr krejtësisht nga showbizzi, Vikena Kamenica i ka shpëtuar kureshtjes së gaze-tarëve të cilët hetojnë jetën private të Vip-ave. Për këtë arsye lajmi i shtatzënisë së saj erdhi si një lajm i papritur. Ndërsa sopranoja ishte në muajin e pestë të shtatzënisë, "Bluetooth" pati publikuar i pari lajmin e ardhjes në jetë të një fëmije. Vikena dhe Erik Tauzi janë njohur në ambientet e Teatrit të Operas dhe Baletit dhe kanë një lidhje disavjeçare, e cila para pak kohësh u kurorëzua edhe me fejesën e tyre. Prej pak kohësh mexosopranoja e TKOB-it ka nisur të bashkëjetojë me të fejuarin e saj.

(http://www.koha.net)