Voal-online -Kur Vanessa Hudgens dhe Zac Efron i dhanë fund lidhjes së tyre katërvjeçare, burimet thanë se ata mbeten të afërt mes tyre. Hudgens është duke e vënë në provë atë ndjesi.
"Ne jemi mirë," tha ajo e pyetur si po shkojnë gjërat mes tyre, ndërkohë që janë të ndarë.
Aktorja e re yll dukej në gjendje të mirë shpirtërore teksa festonte 22 vjetorin e lindjes në Pure Nightclub të Las Vegasit. Me koleget e Ashley Tisdale dhe Brittany Snow së bashku, Hudgens ka kërcyer në zonën VIP të klubit gjithë natën. (Efron nuk ishte i pranishëm).
Më herët ajo pozoi me adhuruesit e saj, duke pasur në qendër një ëmbëlsirë në trajtë floreale. Pas pak perdet kanë rënë duke mbyllur tavolinën e saj dhe duke ia lejuar grupit të ngushtë të vazhdojë me ptivatësinë e tij.
Ndonëse viti saj po përfundon me ndarjen nga Efron, Hudgens tha për revistën People se 2010 ishte një "vit i mirë".
"Unë punova pa masë më 2009. I bëra dy filma njërin pas tjetrit, kështu që vitin e ardhshëm do ta marr pak më qetësisht, bëj një film, pastaj pushoj, pastaj bëj një fim tjetër e kështu me radhë."
Në një veshje argjend metalik nga Pleasure Doing Business, aktorja e Sucker Punch tha se nuk ka ende vendime për vitin e ri, por e pret që viti 2011 të ketë plot risi - süe oaku profesionalisht.
"Do të jetë gjithsesi një vit shumë i rëndësishëm për mua," tha ajo. "Tre filma të mi të rinj do të dalin në kinematë brenda këtij viti, prandaj mezi pres të shoh si do të shkojnë gjërat."/Elida Buçpapaj
(http://www.people.com/people)