ARRESTIME NË LIDHJE ME VDEKJEN E PHILIP SEYMOUR HOFFMAN
E Mërkurë, 02.05.2014, 05:27pm (GMT+1)
Policia e Nju Jorkut ka arrestuar katër të dyshuar që kishin më shumë se 350 çanta me heroine në një apartament të Manhatanit, ndërsa hetojnë vdekjen e fituesit të çmimit Oskar, Philip Seymour Hoffman. Policia tha se arrestoi tre burra dhe një grua të martën në një bastisje jo shumë larg apartamenti ku u gjet trupi pa jetë i Hoffmanit të djelën. Agjencia The Associated Press dhe gazeta The New York Times, cituan zyrtarë të rendit të thonë se hetuesit gjetën një shiringë në krahun e Hoffmanit dhe një zarf që besohet se përmbante heroine. Autoritetet po kryejnë autopsinë. Hoffman fitoi çmimin Oskar dhe Globin e Artë si Aktori më i mire për rolin e tij në filmin biografik Capote në vitin 2005, në të cilin ai luan rolin e shkrimtarit Truman Capote.
www.voal-online.ch
|