29.07.2011

Nga organet kompetente të Norvegjisë konfirmohet se Lejla Selaci rezulton e vrarë, ka njoftuar Ministria e Punëve të Jashtme e Kosovës, nëpërmjet ambasadorit të Republikës së Kosovës në Suedi, Lulzim Peci.

Lejla Selaci deri tash gjendej në mesin e të zhdukurve të tragjedisë që ndodhi para një jave në Norvegji.

Në momentin e hapjes së zjarrit nga 32-vjeçari Anders Bering Breivik, 17-vjeçarja, me prejardhje nga Vushtrria, ishte në një delegacion në Konventën e të Rinjve në ishullin Utoja.

"Anders Bering Breivik ka pranuar se ka kryer masakrat me pasojë vdekjen e 76 personave dhe plagosjen e dhjetëra të tjerëve. Kjo është ngjarja më e rëndë që ka ndodhur në Norvegji që prej Luftës së Dytë Botërore", thuhet në komunikatën e MPJ-së.

(http://www.evropaelire.org)

Rating (Votes: )

Comments (0)

Dërgoja shokut

Printo

---