Haveli e priti personalisht liderin shpirtëror tibetian duke i uruar mirëseardhjen në "vendin që të do, por ku politikanët ta kanë frikën"

Voal-online - Sipas shtypit çek mësohet se dalja e fundit në publik e ish-Presidentit çek Vaclav Havel është bërë në Pragë më dhjetë dhjetor 2011, gjatë fundjavës që shkoi, kur ai u takua me liderin shpirtëror tibetian Dalai Lama. Në këtë takim ishte edhe ish Ministri i Jashtëm çek.

Ish-Presidenti çek mësohet të ketë patur një takim një orësh me Dalai Lamën, i cili e viziton Çekinë post komuniste për të nëntën herë.

Mësohet se Dalai Lama e ka quajtur Vaclav Havelin « burim frymëzimi », si mbrojtës i parimeve të demokracisë dhe të drejtave të njeriut.

Duke i uruar shërim të shpejtë ish-presidentit çek, Dalai Lama i ka thënë Havelit se ai duhet të jetojë të paktën edhe dhjetë vjet.

Duke e përshkruar takimin e së djelës që Havelit pati me Dalai Lama si "miqsor dhe privat", ish Ministri i Jashtëm Schwarzenberg i tha reporterëve se biseda e tyre kishte qenë « frymëzuese ».

Vizita e parë e zyrtare e Dalai Lamës si i ftuar i Presidentit havel është bërë menjëherë pas Revolucionit të Kadifejtë në janarin e 1990.

Prague Post njofton se si kryeministri i Çekisë Petr Nečas, ashtu edhe presidenti Václav Klaus refuzuan që të dy të takoheshin me Dalai Lama, pra vizita e Dalai Lamës ishte jo zyrtare.

Sipas OldÅ™ich ÄŒerný, kryetarit të Fondacionit të Havelit Forum 2000 Foundation, i cili i kishte bërë ftesën Dalai Lamës, Haveli e priti personalisht liderin shpirtëror tibetian duke i uruar mirëseardhjen në "vendin që të do, por ku politikanët ta kanë frikën."

Nga ana e tij, po sipas Prague Post, Dalai Lama kishte bërë disa komente për gjendjen shëndetësore të Vaclav Havelit, se ish-Presidenti çek erdhi në takim në një karrocë me rrota si pasojë e një sëmundje të rrugëve të frymëmarrjes që vuante prej disa muajsh. I dhashë Havelit, mësohet të ketë thënë Dalai Lama, disa sugjerime për sëmundjen nga pozitat e një mjeku tibetian.

http://www.praguepost.com/