Voal-online - Infermierja Jacintha Saldanha, 46 vjeçe, vdiq dje - siç duket me
vetëvrasje - pasi ajo kaloi një telefonatë të ardhur nga dy DiXheji
australianë, të cilët morën informacione të ndjeshme për Kate Middleton kur ajo
ndodhej në spital.
Për fqinjët e saj ajo njihej si infermierja tek Mbretëresha - një nënë tejet
punëtore, e cila erdhi në Britani nga India para dhjetë vjetësh.
Jacintha Saldanha vdiq në spitalin King Edward VII, siç besohet, me vetëvrasje.
Nderimet vëshruan sot për infermieren 46 vjeçare, teksa familja e saj indiane
përjeton dhimbjen e thellë therëse.
Vetëm tri ditë para vdekjes së saj tragjike, infermierja kishte kaluar një
telefonatë nga dy DieXheji australianë të cilët morën hollësi intime për Kate
Middelton kur ajo ishte e shtruar në hospital.
Zonja Saldanha jetonte në Bristol me partnerin e saj Benedict Barboza, një
llogaritar 49 vjeçar i spitalit, i njohur si Ben.
Vjehrra e Jacinthas, Carmine Barboza, 69 vjeçe, tha se asaj i kishin treguar
për vdekjen e resë, kur Benedict e mori në telefon nga spitali.
Duke folur nga shtëpia e saj në Udupi, Karnataka, juperëndim i India, ajo: "˜Ne
na telefonoi mbrëmë Benedict duke na treguar se Jacintha kishte vdekur. Ai po
qante dhe nuk fliste dot. Nuk e dimë a do të arrijmë ta sjellim trupin e saj në
Indi, por shpresojmë shumë. Ne folëm me Benedict edhe sot në mëngjes dhe ai na
tha se nuk e lejonin ta shihte trupin e saj pa kryer formalitetet ligjore dhe
trupi i saj nuk do të dorëzohet para së hënës. Ne duam ta sjellim në Indi
trupin esja për t'ia bërë nderimet e fundit."
Ajo tha se çifti e kaloi festën e vitit të ri vjet me familjen në Udupi me
fëmijët, djalin Junal, 16, dhe vajzën Jenice Lisha, 14 vjeçe.
Duke folur për renë e vet, ajo tha: "˜Jacintha ishte një grua e mrekullueshme.
Ajo na telefononte çdo të diel rregullisht. Ne nuk besojmë dot për çfarë ka
ndodhur.'
Nderime: Kolegët vunë lule jashtë ndërtesës së spitalit King Edward VII ku ajo
punonte. Një mesazh që do të thotë 'Zoti e bekoftë shpirtin tënd'.
Zonja Saldanha erdhi në Britani nga rajoni Mangalore i Indisë para më shumë se
dhjetë vjetësh, më parë kishte punuar në Lindjen e Mesme.
Lajmi për vdekjen e saj i shokoi anglezët dhe anembanë botën.
Fqinjët thanë: "Ishin një familje e mrekullueshme."
Bosi i radio austrialiane nuk i largoi nga puna dy DiXhejt dhe nuk i pranoi
akuzat se ata janë shkaktarë të tragjedisë së saj.
DiXhejt Mel Greig dhe Michael Christian janë bombarduar me spekullime pasi ata
publikuan hollësitë intime për Kate Middleton pas telefonatës që bënë në spitalin
ku ajo ishte shtruar.
John Lofthouse, djathas, shef ekzekutiv i spitalit King Edward VII dhe Lord
Glenarthur, i dyti djathtas, shef i spitalit, duke iu dhënë deklarata mediave
për vdekjen e infermieres.
Ky tha për Sky News: 'Ajo ishte një njeri i mrekullueshëm. Unë mund vetëm të
përfytyroj se çfarë tronditjeje ka pësuar në mendjen e saj dhe e kuptoj sa e
traumatizuar ka qenë pas asaj që i ndodhi./ELIDA BUÇPAPAJ
(Marrë nga Mailonline)