New York, 12 janar - Një fond investimi i drejtuar nga Madeleine K. Albright,
ish-sekretarja amerikane e Shtetit, ka vendosur të tërhiqet prej garës për të
marrë një hise të madhe të PTK-së në Kosovë, ka bërë të ditur një zyrtar i
lartë i fondit "Albritght Capital Management", ka shkruar të premten gazeta
"New York Times", transmeton Koha Ditore.
Tërheqja është bërë përpara 31 janarit, që ishte afati i fundit për aplikim, ku
ishin futur pesë konsorciume që kanë shprehur interesim për ta blerë kompaninë
e telekomunikimit. Vendimi gjithashtu ka ardhur për shkak të shqetësimit në
rritje në Kosovë dhe jashtë saj për mundësinë e konfliktit të interesit ose
trajtimit të veçantë për fondin e prirë nga Dr. Albright, e cila kishte luajtur
një rol të rëndësishëm në ndërhyrjen e vitit 1999, që i kishte prirë ndarjes së
Kosovës prej Serbisë dhe deklarimit të pavarësisë së saj në vitin 2008.
Arsyet që mendohet se e shtynë fondin e saj investues për të hequr dorë nga
privatizimi i PTK-së mund t'i lexoni në gazetën e sotme.