"Elemente radikale vehabiste po depërtojnë në Kosovë dhe ato mund ta
prishin harmoninë ndërfetare që ka ekzistuar me vite atje, thotë në një
intervistë për Radion Evropa e Lirë, Irfan Al-Alawi, drejtor ndërkombëtar i
Qendrës për Pluralizëm Islamik dhe drejtor i Fondacionit për Kërkime të
Trashëgimisë Islamike. Për disa vite kemi parë qeverinë saudite, ose jozyrtarët të kenë dërguar para
në mënyrë indirekte në qeveri ose tek individët, për hapjen e xhamive vehabiste
salafiste për të promovuar ideologjinë ekstremiste, që është mjaft e rrezikshme
për Ballkanin dhe besoj se nëse myslimanët nuk janë të vetëdijshëm për këtë,
gradualisht ne do të kemi klerikë ekstremistë, që do të mbijnë (lulëzojnë) në
Kosovë, që do të fillojnë ta përdorin sheriatin islamik dhe të abuzojnë me të.
Kështu nuk do të promovohet paqja dhe harmonia, siç kishte këtu diversitet
fetar dhe pluralizëm, por do të nënkuptojë se islami duhet të jetë si fe
zyrtare, dhe të mos respektohen fetë tjera në vend."
Kohët e fundit janë shpeshtuer kërcnimet, shantazhet por edhe shkrimet kunder
meje, kunder dinjitetit tim dhe kunder shëndetit tim.Nuk dua ti përmend me
dhjetra të tillë por vetëm po ua përkujtoj se dy ditë pas operimit tim në
transplantimin e mëlqisë, disa të tillë me shalla, lesh e tespih shkruanin në
profilet e tyre se a vdiq akoma, presim vdekjen e tij, ja paskan ndërru mëlqinë
e derrit,e deri te denimet me vdekje e likuidim nga miqë të tyre.Po si mund të
quhet mysliman një njeri i tillë? Poqëse Kurani thotë se po u dashka edhe
kështu që përmes internetit të bëhet terrorizëm dhe kriminalitet për të
parapregatitë vrasjet siq bënin pas lufte, atëherë grupit të këtyre myslimanëve
kurr mos iu bashkofsha e kurr me sy mos i pafsha.
Disa letra më vinë se gjoja unë kenkam kunder islamit si fe. Po kjo është
absurdi më i madh që mund të ekzistoj.Unë me asnjë fjalë,me asnjë këngë e me
asnjë shkrim skam dal kurr kunder islamit sepse do të dilja kunër vetëvetes.
Rrespektoj çdo besim, çdo besimtar, çdo njeri të mirë që i lutet Zotit për të
mirat e njerzimit në përgjithësi, që nuk vret gra e fëmijë,nuk pren koka
djelmoshash që ndërrojnë fenë, nuk ndezin shtëpi me fëmijë brenda, nuk qesin
tritole e bomba në shkolla e xhamia...etj.etj.
Si në çdo fe, ashtu edhe në islam ka radikalizëm, ka budallaki, ka hoxhollar
matufa, spiuna madje edhe vrasës, dhunues e kriminela mu si ka edhe hoxhollarë
të mirë, atdhetar, të shkolluar e kombëtar.Unë dikur kisha miqësi me hoxhollrët
më të nderuar që kishte Kosova siq ishin Mulla IdrizKokrruku, Mulla Sherif
Ahmeti, Mulla Sherif Magashi e shumë tjerë, mu sikurse kisha miqësi me
priftërit katolik Don Lush Gjergjin, Imzot Mark Sopin e shumë e shumë të tjerë.
(Kam miqë akoma edhe hoxhollarë e edhe priftërinjë).Madje me këngët e mia i kam
ngritë lart Mulla Idriz Gjilanin,Mulla Idriz Kokrrukun etj. si dhe priftërit
Imzot Mark Sopin, Don Lush Gjergjin, At Shtjefën Gjeqovin, At Gjergj Fishtën
etj. Edukimi im familjar dhe kombëtar u bë që nga vegjëlia që ta dua kombin
kështu si është: me tri fe, me tradita e doke shqiptre, me kulturën dhe
historinë shqiptare, duke falenderuar Zotin e Madh shqip dhe vetëm shqip, që na
ka krijuar shqiptar në tokën e Arbërit edhe pse shumë vite, dekada e shekuj të
robëruar për të ardhur deri në ditët e sotme kur u vetërobruam. Nga
vetërobërimi smund të të ndihmoj as Zoti.
Zoti, atij i qofshim falë, na krijoi shqiptar, na edhuroi gjuhën e bukur
shqipe, na nderoi me paraardhësit tanë, na dha trima legjendar si Skënderbeun,
na dhuroi bujar e fisnik, hoxhollar, priftërinjë, shkrimtarë,na dalloi nga
mbarë popujt tjerë duke na e dhuruar Nënën e Madhe që quhet edhe Nëna e Botës
me emrin e bukur shqip Gonxhe Bojaxhiu-Nënën Tereze, na e dhuroi pastaj
Dr.Ibrahim Rugoven, Adem Jasharin, Ismail Kadarenë e shumë figura tjera që si
popull duhet të krenohemi. Toka jonë është tokë shqiptare andaj edhe varret
duhet ti kemi shqip. Kishte ardhur një i huaj me një nahi të Arbërit dhe kur
kishte parë varret të gjithat me yll e hënë kishte thënë:këtu spaska
shqiptar.Kot kundershtuan vendasit. Kot, sepse simbolet isht të turqëve.
Por binduni se dhuratë nga Zoti si kemi sektet me lesh, me pantolla të
shkurtër, me mjekrra të palara që synojnë ndërrimin e traditave fetare e
kombëtare, duke e lexuar dhe shpjeguar edhe Kuranin mbrapsht, duke mos i fal
namazet ashtu si i falnim me shekuj, duke ndjell urrejte, përqarje e deri edhe
te vrasjet me synime të kjarta që të mirret BI, të merret shteti dhe së fundi
Kosova dheShqipëria të shpallen shtete islamike.
Këto "dhurata" na i derguan armiqët dhe shejtanët etyre pa na pyet, por çudi
është se pse i pranuam kur e dinim se janë tejet të dëmshme dhe kur e dinim se
edhe bota myslimane po e lufton ekstremizmin mysliman,vehabist e muxhahedinist
dhe sektash tjerë. Jo që i pranuam por edhe i përkrahëm duke ua lejuar të kyçen
edhe në shoqëritë civile, të ken pushtet, të formojnë parti politike e të futen
edhe në koalicione për tu zgjedh edhe ministra. Nga kjo shifet se udhëheqja e
PDK-së do të bëj koalicion edhe me tartarët dhe tradhëtarët vetëm e vetëm ta
mbaj pushtetin për ta vjedhë atdheun.
Ja si më shkruan një Sajmir Hurdha. Ky njeri dhe "kujdestar" i asaj që ndjell
kob për kombin, dyshoj se e ka këtë emër. Edhe në FB më kishte kërkuar miqësi
por natyrisht se miqësi sherri. Lexoni e binduni se këta njerz duan ti fusin
nën sundimet e veta me frikë e me hjmalia:
"Sajmir Hurdha
pershendetje do ja tju beja nje verjtje si shqipetar qe me 'hiqesh'...nuk e
kuptoj urrejtjen tuaj kaq te madhe qe keni ndaj islamit,po mos harro qe ne
gjith hapsiren shqiptare islami eshte dominues dhe do vazhdoj te je, te lutem
kur nuk ke njohori per dicka rrij larg asaj ceshtje dhe pse islamofobia jote
eshte ne doza shume te larta, o lus Allahun te te drejtoj dhe ty ne kete islam
paqesor dhe madheshtor..."
Nuk ka paqë aty ku sundon diktati zotri Hurdha!
Me dhjetra letra të tilla mbushin kompjuterin tim. Kërcnimet deri te likuidimet
fizike nuk janë virtyt i fetarve dhe atyre që e nderojnë Zotin.Askujt Zoti nuk
ia ka dhënë të drejten ta vras tjetrin, ti merr jetën atij që e ka dhuratë nga
Zoti. Madje ka sharje dhe ofendime edhe nga disa gra të cilat po të lexohen
ato, fjalori i ndytë e idiotesk, do të vimë në përfundim se morali kombëtar na
ka ra aq ulët saqë jemi populli më i pamoralshëm në botë. Kujdestaria për
mbrojtjen e këtyre gjërave të liga ka me na kushtuar shumë. Hapni sy e vesh
shtete shqiptare.Jeni të rrezikuara fort!
Mjerë shtëpia pa Zot shtëpie!
Mjerë shteti pa Zot të shtetit!
23.04.13
Düren