NUK HUMB GJAKU SHQIPTAR
DËSHMITARE SOT KUNDËR KRIMINELIT SERB OLIVER IVANOVIQIT, ORGANIZATOR I VRASJES SË TRIDHJETË MESHKUJVE NË "LAGJEN E KOVAÇËVE"
Nga FLORA IDRIZ PECI&
E Martë, 02.24.2015, 07:35pm (GMT+1)
 VRASJES SË TRIDHJETË MESHKUJVE NË "LAGJEN E KOVAÇËVE"
Në orët e hershme të mëngjesit,policia ma siguroi transportin për në Gjykatën Komunale në veri të Mitrovicës.Isha e ftuar të dëshmoja për kriminelin serb Ivanoviq.
Më kontrolluan dhe me një urrejtje të madhe në sy,dy policë serbë më legjitimuan dhe paksa të mllefosur që përgjigjesha shqip.
Më lanë në një dhomë sigurie dhe e mbrojtur nga dy policë te dera.Ishte paksa një shqetësim emocionues.
Më morën në sallë dhe filluan me formalitetet që i bën gjykata.Salla ishte e mbushur përplot, por më shkuan sytë tek Ivanoviqi,shikimi i të cilit iu ul për tokë se fajtori nuk mund të të shikojë në sy.
Pyetjet e mundimshme nga të gjithët e posaçërisht nga avokati i Ivanoviqit,ishin të
mundimshme. Nuk u dorëzova,përkundrazi e ndjeja veten më të fortë se kurrë. Nuk isha
kriminelja, ndaj kjo më mbante me kokë lart. Pata përshtypjen se e kam vëlla Afrimin në sallë dhe më pëshpërit "Motër,ky na vrau,por nuk dua lot nga ti,më ke këtu dhe fol si shqiptare".
Nga ndërkombëtarët kishte edhe të tillë që mundoheshin ta mbronin kriminelin ,por ndihmën e madhe e pata edhe nga prokurori i cili ndërhyri sa herë.
Bërtiste avokati me zë të lartë, por mua më bënte edhe më të fortë. Dëshmova për pafajësi, për gjakun shqiptar dhe në fund prokurori ma shtriu dorën për përmbajtje edhe pse,dorën në zemër, nuk u durova pa i thënë avokatit "TI JE KËTU PËR TA MBROJTUR KRIMIN DHE FAJIN NDAJ PAFAJËSISË SË VRARË".
Kuptohet se pati reagime nga gjykata,por së paku këtë munda ta them.Kjo ishte edhe demantim ndaj shkrimit të gazetës serbe "B92" ,kinse unë nuk pranoj të dëshmoj për një kriminel.www.voal-online.ch
|
Comments (0)
Dërgoja shokut
Printo
A.jpg "DOLI NË QARKULLIM LIBRI I RI POETIK I ELIDA BUÇPAPAJT \"RAPSODI E GOLGOTËS SË TRANZICIONIT\""){kind=icon}
