A TË JEM DIELL Cikël poetik nga ANILA BITI TONI
E Martë, 11.04.2014, 07:38pm (GMT+1)
ANILA BITI TONI, u lind në vitin 1971, në Lushnjë 1989 mbaroi shkollën pedagogjike " Kristaq Capo", Berat. 1996 u diplomua në Universitetin "Aleksandër Xhuvani", Elbasan. 2013 mbrojti Master shkencor për Statistikë dhe pedagogji, në «Albania University» Tiranë. 2007, botoi librin me poezi «Erërat ulerijnë» Ka në proces botimi një roman e një libër me poezi.
Është mësuese letersise ne Gjimnazin "18 Tetori", Lushnjë.
PAVDEKËSI...
Unë rritem... Sa herë kuvendoj me malet Unë plakem... Sa herë dhimbja ngre tek unë shtëpinë Unë hesht... Sa herë dallga më rreh fytyrën... Unë qesh... Sa herë lumenjtë më lagin të tërën... Unë flas... Sa herë dielli m'i prek flokët... Unë ndalem Sa herë pemët Ecin drejt meje Unë s'vdes... Kur e ndiej... Pse pavdekësinë, ZEUSI Ma sjell, qiejve..
NUK E DI
Nuk e di... Nëse duhet të flas, a duhet të hesht Nuk e di... Nëse duhet të hesht, a të qaj Nuk e di... Nëse duhet të eci, a të rri në këmbë Nuk e di... Nëse duhet të grindem, a të jem e qetë Nuk e di... Nëse duhet të jem re, a të jem diell.
Ç'TË BËJ SONTE!
Ç'të bëj sonte... Mbrëmja më gjeti sërish vetëm Dhe unë rri e heshtur S'guxoj të lëviz... Të paktën me një pjatë yjesh ta qeras... Ç'të bëj sonte... Mbrëmja më gjeti sërish vetëm Më thotë se hëna i ka humbur... Unë lot, me zërin e saj, Ajo më merr për dore... Kërkon që hënën,ta kërkojmë bashkë...
FASLLI HALITI
|