D Ë S H M I T A R I - poezi nga libri "Kanuni poetik"
Nga RRUSTEM GECI
E Djelë, 01.25.2015, 04:33pm (GMT+1)
 Ata bënë banjë gjaku me Kosovën
dhe tokën na e mbushën me varre
gjenocidistët serbë do të kthehen
kufomat e bërë Kosovës t´i fshehin
Sonte kurrë si kam mbyllur sytë
nga plagët që i kam marr në trup
më duhet ta gjej një fije të barit
dhe ta mësojë udhën drejt maleve
Këtu jam me shokë të pushkatuar
i plagosur jam rëndë, vetëm unë
jam i gjallë, po kuvendoj me barin
duhet të lëvizi pakëz më shpejt
Kaçuba ime e dashur, a më ndjen
këtu po vritet një popull, vetëm
pse duami të jemi të lirë. Nëse
vdes, ty o Kaçubë, ta lë amanetin
Liri, janë ishët ata që s´të duan ty
Ata i frikohen Kosovës së lirë
Kjo tokë s´pjesëtohet me askend
I thosha plagës sime të gjakosur!..
Rrustem Geci - Dortmund, 2015
RRUSTEM GECI
|
Comments (0)
Dërgoja shokut
Printo
