Siria: Oferta e Izraelit për bisedime nuk ka vlerë pa tërheqjen nga Lartësitë Golan
E Shtunë, 05.23.2009, 10:49am (GMT+1)
Ministri i Jashtëm sirian Walid al-Moualem deklaroi dje se rifillimi i bisedimeve të paqes me Izraelin do të ishte i pavlerë pa një premtim nga ana e Tel-Avivit për tërheqjen nga Lartësitë Golan. ''Tërheqja nga Lartësitë Golan nuk është kusht, por kërkesë për paqen'', deklaroi Walid al-Moualem. "Nëse Izraeli nuk i respekton këto kërkesa, atëhere oferta për bisedimet e paqes nuk ka vlerë'', theksoi ai. Bisedimet jo të drejtpërdrejta mes Sirisë dhe Iizraelit, të ndërmjetësuara nga Turqia, u pezulluan zyrtarisht në dhjetor, gjatë invazionit izraelit të Rripit të Gazës./ATSH-Reuters/ -
www.voal-online.ch
|