Horst Köhler rizgjidhet president i Gjermanisë
E Shtunë, 05.23.2009, 04:59pm (GMT+1)
Konservatori Horst Kohler u rizgjodh sot president i Republikës gjermane, me shumicë absolute dhe që në turin e parë të zgjedhjeve.
Nga 1 223 anëtarë të pranishëm të Asamblesë Federale, 613 votuan për kandidatin e bashkimeve konservatore CDU-CSU të kancelares Angela Merkel. Kohler mori kështu një mandat të dytë dhe të fundit pesëvjeçar për këtë funksion, kryesisht përfaqësues.
Kohler 66 vjeç, ish-drejtor i Fondit Monetar Ndërkombëtar, i lindur në territorin aktual të Polonisë, përfitoi nga vota të liberalëve të FDP-së, me të cilët Merkel shpreson të formojë një qeveri pas zgjedhjeve legjislative të shtatorit.
Zgjedhja e "qiramarrësit" të ri të Kështjellës Bellevue përkoi në një ditë me 60-vjetorin e Republikës Federale, që u festua në të gjithë Gjermaninë.
Dy hapa larg kupolës së Bundestagut, rreth Portës së Brandeburgut, qindra mijëra persona po prisnin shuarjen e 60 qirinjve të krijimit të RFGJ-së, që shënoi rimëkëmbjen e një Gjermanie të shkatërruar pas disfatës së vitit 1945./ATSH-AFP
www.voal-online.ch
|
Comments (0)
Dërgoja shokut
Printo
