Kanadaja fillon një seri stërvitjesh ushtarake në rajonin e pasur me burime të Arktikut, në kohën kur vende të tjera që kanë pretendime mbi rajonin.
Kryeministri kanadez, Stephen Harper dëshiron të mbrojë pretendimet e sovranitetit për rajonin. Operacioni Nanook do të shohë Forcat e Armatosura kanadeze të përfshira në operacione në det, në tokë dhe ajër në territorin lindor të vendit në Arktik.
Kryeministri Harper pritet t'u bashkohet këtyre operacioneve në mesjavë, kur do të jetë gjatë stërvitjes në bordon e një anijeje luftarake detare dhe të një nëndetëseje.
Mbrojtja e sovranitetit të Kanadasë në Arktik, ka qënë një prej prioriteteve të qeverisë konservatore të zotit Harper.
Arktiku dikur konsiderohej një territor i pavlerë, por tani një numërvendesh përfshirë Danimarkën dhe Rusinë, kanë hartuan plane të kujdesshme për zonën përreth Polit të Veriut, që mendohet se është i pasur me minerale dhe burime natyrore.
Dy vjet më parë, eksploratorët rusë vendosën flamurin e tyre në shtratin e detit poshtë Polit Verior.
Kanadaja është gjithashtu e shqetësuar për shkrirjen e akujve në Pasazhin Veriperëndimor, gjë që shkencëtarët thonë se po vjen nga ngrohja globale.
SHBA-ja ka thënë se nuk njeh të drejtat ekskluzive të Kandasë në këtë pasazh që mund të jetë një lidhje mes oqeaneve Atlantik dhe Paqësor.
Disa analistë ushtarakë thonë se megjithë këtë demonstrim të forcës gjatë kësaj jave, Kanadaja nuk ka burime për të mbrojtur gjatë të gjithë kohës rajonin e gjerë të Arktikut.
Kohët e fundit ka patur shenja të një bashkëpunimi të ngushtë mes Kanadasë dhe Danimarkës.