NATO
hap sot samitin dy ditor në Uels të Britanisë, ku në fokus do të jenë
temat lidhur me problemet në Ukrainën lindore dhe për miratimin e një
plani që do të forcojë praninë e NATO-s përgjatë kufijve lindorë të
aleancës.
Presidenti i Shteteve të Bashkuara, Barack Obama,
dhe udhëheqës të shteteve anëtare të NATO-s, do të flasin edhe për
veprimet ruse në Ukrainën lindore, aty ku separatistët pro-rusë po
luftojnë kundër forcave qeveritare të Ukrainës.
NATO thotë se separatistët po mbështeten nga Kremlini, gjë që zyrtarët rusë e kanë mohuar në vazhdimësi.
Ndër temat e tjera që pritet të diskutohen gjatë samitit janë edhe
veprimet e militantëve të Shtetit Islamik në Irak e Siri, dhe për
tërheqjen e forcave të NATO-s nga Afganistani.
Comments (0)
Dërgoja shokut
Printo
