NJU JORK - FESTIM MARRAMENDËS, ME MASA TË SHTUARA SIGURIE
E Enjte, 01.01.2015, 10:39am (GMT+1)
Fishekzjarre dhe lojë dritash në Times Square në Nju Jork në momentin e ardhjes së Vitit të Ri 2015
Qindra mijëra njerëz janë tubuar në Times Square në Nju Jork për festimin më të madh për Vitin e Ri 2015 në Shtetet e Bashkuara.
Manifestimi me një atmosferë të haresë e gëzimit është përshkruar me masa të shtuara të sigurisë. Disa orë para se sfera gjigante të binte në mesnatë, për ta shënuar ndrrimin simbolik të motmoteve, njësitë kundërterroriste u ishin bashkuar oficerëve të uniformuar, që ishin dërguar në Times Square.
Por, çdo gjë kaloi në mënyrë të qetë, raporton agjencia Reuters.
Zyrtarët kishin vlerësuar se turma e njerëzve që do të festonte në sheshin kryesor të Nju Jorkut, mund të arrinte në 1 milion vetë.
Sipas traditës, prefekti i Nju Jorkut, Bill de Blasio, e ka udhëhequr ceremoninë e rënies së sferës, duke e shtypur pullën e cila e ka aktivizuar uljen e saj.
www.voal-online.ch
|