PARIS - VRITEN TRE PENGMARRËSIT
E Premte, 01.09.2015, 07:20pm (GMT+1)
Njoftohet se në një qytezë në veri të Parisit forcat e sigurisë vranë dy të dyshuarit kryesorë të masakrës në redaksinë e gazetës Charlie Hebdo.
Forca të shumta ishin angazhuar në një konfrontim me dy vëllezërit Sherif dhe Said Kuaçi. Një zyrtar i policisë në vendin e ngjarjes tha gjithashtu se një peng që ata mbanin është liruar.
Ndërkaq policia franceze ka hyrë me forcë në një supermarket të Parisit ku një person i armatosur mbante të paktën 5 pengje. Të gjitha pengjet janë liruar. Policia kishte rrethuar lagjen Portë dë Vënsenë ku ndodhet supermarketi, për sigurinë e nxënësve aty pranë.
Policia tha se personi i armatosur që dyshohet në sulmin e supermarketit, 32 vjeçari Amedi Kulabali, besohet se është i njëjti person që vrau një police mbrëmë në Paris. Autoritetet janë në kërkim edhe të një gruaje që mendohet se është bashkëpunëtore e tij. Burime të policisë thonë se Kulabali kishte lidhje me dy vëllezërit Kuaçi, të dyshuar për vrasjen e 12 vetëve me armë automatike gjatë sulmit në redaksinë e gazetës Charlie Hebdo të mërkurën. za
www.voal-online.ch
|