TALEBANËT MARRIN PËRSIPËR RRËZIMIN E HELIKOPTERIT ME AMBASADORË
E Premte, 05.08.2015, 10:50am (GMT+1)
Talebanët e Tehrek-e-Taliban të Pakistanit (TTP) morën sot përgjegjësinë për rrëzimin e një helikopteri të ushtrisë pakistaneze, që shkaktoi vdekjen e gjashtë personave, mes të cilëve ambasadorët e Norvegjisë dhe Filipineve.
Programi për Pakistanin i Radios Evropa e Lirë, duke e cituar zëdhënësin ushtarak pakistanez, Asim Bajwa, raportoi se është konfirmuar se në mesin e të vrarëve gjenden dy pilotë, ambasadorët e Filipineve dhe të Norvegjisë, dhe bashkëshortet e ambasadorëve të Malajzisë dhe Indonezisë.
Ambasadorët e Polonisë dhe të Holandës ishin në mesin e disa të plagosurve.
Helikopteri i tipit MI17, ishte pjesë e një grupi prej tre helikopterëve që i bartnin diplomatët perëndimorë për në rajon, ku kryeministri pakistanez, Nawaz Sharif, do ta mbante një fjalim.
Dy helikopterët e tjerë kanë ateruar pa probleme.
www.voal-online.ch
|