Nën patronatin e presidentit të Republikës së Kosovës, Dr Fatmir Sejdiut, sot organizohet aktiviteti kushtuar: 11 prill 2009 dita e rënjës së Heroit të Kosovës Agim Ramadanit dita e dëshmorëve të Luftës së Koshares.
Aktiviteti do të fillojë me:
1. Akademia përkujtimore: Ora : 12.00 Salla e Kuqe, Pallati i Rinisë dhe Sporteve.
o Himni.
o Fjala e përfaqësuesit të institucioneve shtetërore.
o Fjala e përfaqësuesit të Veteranëve të luftës.
o Muzikë okteti me këngë të zgjedhura.
1. Ekspozita: Ora: 13.00, Galeria e Arteve.
- Rezyme e shkurtër mbi artin pamor të Heroit Agim Ramadanit.
- Recital i zgjedhur përshëndetës.
- Vazhdimi me ekspozitën ( shoqëruar me katalogun e pikturave në foto dhe emërtimet e shpjeguara)
- Prezantimi i çmimit të artë "Grand Prix" ne ballin të broshurës apo si përkujtimore
- Kokteji në hollin e ekspozitës.
Agim Ramadani (1964-1999) lindi në fshatin Zhegër të komunës së Gjilanit në Kosovë me më 3 Maj 1964. Shkollimin filor e kreu në vendlindje, të mesmen shkollën teknike në Gjilan në vitin 1980, ndërsa Akademinë ushtarake-drejtimi i komunikacionit në Zagreb të Kroacisë.
Me poezi dhe pikturë është marrë që nga shkollimi i mesëm. Përderisa poezitë e tij, sa ishte gjallë i mbetën të shpërndara nëpër revista të ndryshme e në dorëshkrim, si piktor organizoi ekspozita kolektive e përsonale në Kroaci, ku punoi si ushtarak e në Zvicër, ku jetoj si emigrant politik, mëqe me fillimin e luftës në Kroaci, ai braktisi ish Armatën Jugosllave ku punonte si oficer. Në vitin 1998 pranohet antarë nderi në Akademinë Evropiane të Arteve.
Ndonëse kishte të rregulluar statusin e emigrantit, Agim Ramadani në vitin 1998, iu përgjigj thirrjës së atdheut dhe u inkuadrua në radhët e Ushtrisë për Çlirimin e Kosovës, duke lënë në Zvicër tre fëmijë dhe gruan.
Gjatë luftës u dëshmua si strateg i lartë dhe udhëheqës i dashur për ushtarët. Ishte njëri ndër hartuesit e planit për thyerrjen e kufirit shqiptaro-shqiptar, gjë të cilën edhe e bëri bashkë me shokët e vet. Ishte i pari që shkuli gurin-piramidën-kufitare në Koshare. Pas thyerrjës së këtij kufiri, në pjesën e Kosovës, tek vendi i quajtur Rrasa e Zogut, ai ra heroikisht- duke mos vdekur kurrë. Njihet me emrin konspirativ-Katana. Llogaritët si një nga heronjtë më të njohur të historisë së re shqiptare. Në Gjilani para Teatrit Kombëtar i është ngritur një shtatore, në të cilën janë komponuar të gjitha elementet artistike dhe luftarake të Agim Ramadanit-Katanës.Është përfaqësuar në disa leksikone dhe antologji të shkrimtarëve shqiptarë, të botuara pas vitit 2000. Agimi la pas vetes gruan e tij të dashur Shukrie Ramadanin dhe tre pasardhës, djemt Jetonin e Edonin, dhe vajzën Laurinën.