Policia e Kosovës ka njoftuar se tre persona kanë tentuar të vjedhin një gjenerator dhe një motor-sharrë në fshatin Dubovik të Deçanit.

Sipas Policisë, të dyshuarit kanë hyrë në oborrin e një pjesëtari të Policisë së Kosovës, të cilët, me të vërejtur viktimën, e kanë goditur me mjete të forta me ç'rast viktima ka pësuar lëndime trupore.

Të dyshuarit janë larguar nga vendi i ngjarjes dhe gjatë largimit kanë shtënë dy herë me armë zjarri në drejtim të viktimës.

Në vendin e ngjarjes njësiti policore kanë gjetur dhe konfiskuar një gëzhojë të kal. 6.53mm dhe kanë vërejtur një vrimë në rrethojën e drurit që dyshohet të jetë shkaktuar nga predha e fishekut të shkrepur.

Rating (Votes: )

Comments (0)

Dërgoja shokut

Printo

---