Klubi Politik i Studentëve, ka njoftuar se do të pezullojë protestat kundër KEDS-it.

Nëpërmjet një komunikate për media Klubi Politik sqaron se këtë po e bën duke marrë parasysh situatën politike të krijuar pas deklaratave të ministrit Aleksandër Jabllanoviq dhe duke bashkëndjerë me "Thirrjet e Nënave".

"Edhe pse rritja e çmimit të energjisë është një problem madhor që drejtpërdrejt prek buxhetin e qytetarëve të Kosovës, prapë se prapë ofendimi ndaj të zhdukurve të luftës dhe historisë sonë, me tërë ndjeshmërinë e vet, si dhe shpërfaqja e intervencionizmit të Beogradit në Kosovë, na ka shtyrë që të vendosim që vetëm përkohësisht të ndalim protestat tona dhe t'i bashkëngjikemi protestave qytetare që kërkojnë shkarkimin e ministrit Jabllanoviq dhe kthimin e "Trepçës" në pronësi të Republikës së Kosovës", thuhet në njoftim.

KPS njofton se për protestat e radhës do të lajmërohen përmes mediave.

Rating (Votes: )

Comments (0)

Dërgoja shokut

Printo

---