VOAL - Online Zëri i Shqiptarëve - TIRANË - PRODHUESIT PRIVATË TË ENERGJISË KËRKOJNË RREGULLA DHE ÇMIMEVE TË QARTA NË TREG

Prodhuesit privatë të energjisë elektrike në Shqipëri shprehën sot shqetësimin e tyre mbi uljen e çmimit të energjisë nga qeveria nën koston e prodhimit të tyre. Ata i shpjeguan shqetësimet e tyre para komisionit parlamentar për veprimtaritë prodhuese, ku u diskutua një projektligj "Për sektorin e energjisë elektrike".

Shoqata e prodhuesve të energjisë së rinovueshme tha se autoritetet u vendosën atyre një çmim 7.6 lek /kwh për prodhimin e tyre të brendshëm, ndërkohë që OSHEE e ka blerë energjinë me 8 Lek/kwh, por sipas kontratave të tyre koncensionare me kthim për 10 vjet, çmimi i shitjes se energjisë nuk mund të jetë më i ulët se 9 Lek/kwh.

Sipas prodhuesve vendas, sektori energjitik po vuan mungesën e likuiditetit dhe të ligjeve për të blerë energji, ndaj kërkuan që të zbatohen kontratat e tyre 15 vjecare të investime. Ata theksuan që projektligji për energjinë elektrike duhet të përputhet me ligjin për energjinë e rinovueshme, si dhe me direktivat europiane në këtë fushë.

Shqipëria sa vjen dhe rrit kërkesën për enegji elektrike, dhe burimet e për prodhim janë ende shumë të mëdha, ndaj edhe kanë investuar kompani të ndryshme nga Austria, Italia, Turqia, Franca në bashkëpunim me komani shqiptare. Së bashku ato zënë 95% te prodhuesve privatë të energjisë së rinovueshme., duke investuar në sektorin e energjisë elektrike janë rreth 500 milionë Euro prej 400MW. Potencialet energjetike në Shqipëri janë për mbi 1000 MW të tjerë dhe investimet përllogariten për 1,2 miliardë euro të tjera.

Qeveria shqiptare përcakton politikat në sektorin e energjisë, i cili deri tani është në vështirësi të jashtëzakonshme financiare. Ndaj mundësitë e mëdha për investime sipas një plani zhvillimi kanë nevojë për rregulla të reja. Prodhimi privat i energjisë në Shqipëri deri tani nuk e ka tejkaluar 9% të nevojave të brendshme të Shqipërisë.

Ata pohojnë se nuk janë shkaku i krizave në sektorin energjitik, por janë rruga e përmirësimit të gjendjes me një menazhim më të mirë të këtij tregu, ku ata po investojnë qindra miliona euro, të pasigurtë për të ardhmen. Rregullimi i tregut të energjisë është edhe një nga kërkesat e Bashkimit Europian, sepse Shqipëria është pjesë me të drejta të plota e sekretariatit të energjisë me seli në Vjenë, i cili po integron tregun e energjisë në Europën Juglindore me rregulla të përbashkëta në një zhvillim të qëndrueshëm rajonal.za