GREQI: SINDIKALISTËT PUSHTOJNË MINISTRINË E FINANCAVE
E Enjte, 03.04.2010, 11:34am (GMT+1)
Voal-online Sindikalistët e PAME kanë pushtuar sot në mëngjes ndërtesën e Ministrisë së Financave të Athinës. Demonstruesti, mbi njëqind veta, kanë shpallur se synojnë të qëndrojnë aty deri nesër, ditën e grevës kombëtare. Në rrjedhë është edhe një protestë e nëpunësve të liruar nga provatizimi i Olympic Airlines.
Partia Komuniste Greke (KKE) dhe sindikata e saj PAME kanë shpallur për nesër një mobilizim në mbarë vendin kundër paketës së re të kursimit për 4,8 miliardë euro vendosur dje nga qeveria e Jorgos Papandreut. Një grevë kombëtare është shpallur për 16 marsin tashmë nga Konfederata e Punonjësve Publikë ADEDY, ndërkohë që pi mobilizohet edhe sindikata e sektorit privat GSEE.
Duke folur për thirrjen që ka bërë PAME për nesër dhe për grumbullimet e shumta të organizuara tashmë sot në shumë qytete, e përditshmja komuniste Rizopastis shpall "Luftë luftës", perifrazim i fjalëve të Papandreut sipas të cilit "vendi është në luftë" kundër krizës dhe spekullimit. E përditshmja komuniste përgjigjet se "lufta e nxitur nga qeveria e PASOK-ut kundër popullit në emër të borgjezisë". Në grumbullimet ditore marrin pjesë, qoftë në Athinë apo në Selanik e në qytete të tjera, organizata të ndryshme të kategorisë, studentë e profesorë të cilët do të jenë edhe në grevën kombëtare të 16 marsit të paralajmëruar nga sindikata e punonjësve publikë ADEDY.
(http://www.ansa.it)
www.voal-online.ch
|