Zëvëndës presidenti amerikan Joseph Biden tërheq vërejtjen tek evropianët dhe deklaron se Kosova është çështje e papërfunduar. "Ende ka punë për t'u bërë në Kosovë, sepse angazhimet nuk kanë përfunduar. Është para së gjithash përgjegjësi e Bashkimit Evropian dhe komunitetit Evropian që të përmbushë premtimet që i kemi bërë së bashku", ka thënë Biden, i cili citohet nga mediat kosovare.
Kjo është hera e dytë që zyrtarë të administratës amerikane u kujtojnë europianëve se nuk i kanë përmbushur obligimet përballë Kosovës.
Javën e kaluar Sekretarja e Amerikan e Shtetit, Hillary Clinton, gjatë vizitës që bëri në kryeqendrën europiane, tërhoqi vërejtjen se në Ballkan ka ende punë për t'u bërë dhe se rajoni nuk guxon të bie në harresën e të së kaluarës.
Zv presidenti amerikan, Joseph Biden vizitoi selinë e NATO-s për të diskutuar me aleatët strategjinë e re në Afganistan. Lidhur me këtë ai siguroi se kontributi amerikan në misionin paqeruajtës në Kosovë, në asnjë mënyrë nuk do ndikojë për shkak të nevojës që të dërgohen trupa shtesë në Afganistan.
"Dua ta bëj të qartë se nuk do bëjmë tregti në mes të preokupimeve tona në Kosovë dhe asaj se çfarë duhet bërë në Afganistan", theksoi Joseph Biden. RTK/Voal-online.

Rating (Votes: )

Comments (0)

Dërgoja shokut

Printo

---