VOAL - Online Zëri i Shqiptarëve - Violante Placido bukuri e kulluar e artit

Violante Placido lindi në Romë më 1 maj 1976. Është bijë e aktorit dhe regjisorit Michele Placido , siç dihet me perjardhje arbëreshe, dhe e aktores Simonetta Stefanelli. Ajo debutoi përkrah të jatit në filmin "Quattro bravi ragazzi" (Katër të rinj të mrekullueshëm); pastaj mori pjesë në filmin "Jack Frusciante Ã¨ uscito dal gruppo" (Xhek Frushante ka dalë nga grupi); roli i saj i parë i rëndësishëm arrinte me filmin "L'anima gemella" (Shpirti binjak), me regji të Sergio Rubini.

Ka luajtur edhe në filmin "Ora o mai piÃ¹" (Tani o kurrë), me regji të Lucio Pellegrini; "Che ne sarÃ di noi" (Çfarë do të bëhet me ne), me regji të Giovanni Veronesi; dhe në filmin aq të diskutuar "Ovunque sei" (Kudo që je), në të cilin Violante Placido do të kishte regjisor të jatin Michele Placido.

Në vitin 2005 do të luante në filmin "Karol. Un uomo diventato Papa" (Karoli. Një njeri u bë Papë), për jetën e Papa Giovanni Paolo II.

Në vitin 2006 nën regjinë e Pupi Avati do të luante në filmin "La cena per farli conoscere" (Darkë në mënyrë që të njihemi) i cili doli vitin tjetër në kinema.

Po atë vit debutoi në botën e filmave muzikalë me pseudonimin Viola. Paraprirë nga albumi singël "Still I" (Prapë unë), ajo do të publikonte albumin me përmbledhje këngësh "Don't Be Shy..." (Mos druaj...), ku përfshiheshin dhjetë këngë kënduar në stilin e Suzanne Vega e aq më tepër në gjuhën angleze, autore e të cilave është vetë Viola. Albumi i dytë singël me pjesë të albumit të përmendur është "How To Save Your Life" (Si ta shpëtoni jetën tuaj). Në vijim bashkëpunon me kantautorin Bugo, në ribërjen e duetit të pjesës së saj "Amore mio infinito" (Dashuria ime e pafund).

Shpërthimi i vrullshëm i Bollywood-it dhe i kinemasë indiane çon Violante Placido-n të punojë nën regjinë e Raja Menon, duke interpretuar Kate-n në në filmin "Barah Aana" që në indisht do të thotë "mashtruar" film që doli në sallat e kinemave në marsin e vitit 2009./Elida Buçpapaj