LDD dhe AKR nënshkruajnë marrëveshje politike për zgjedhjet lokale 2009
E Martë, 09.15.2009, 09:31am (GMT+1)
Lidhja Demokratike e Dardanisë dhe Aleanca Kosova e Re kanë nënshkruar dje një marrëveshje politike për zgjedhjet komunale të nëntorit të këtij viti në të cilën përcaktohen obligimet e dyanshme të bashkëpunimit dhe përcaktohen komunat ku dy subjektet opozitare politike do të dalin me kandidat të përbashkët.
Dy partitë do të dalin me kandidatë të përbashkët në njëzet komuna të Kosovës, prej të cilave në 12 komuna kandidatët do ti jep Lidhja Demokratike e Dardanisë, ndërsa në 9 Aleanca Kosova e Re. Gjithashtu është përcaktuar që partitë në balotazh përkrahin kandidatin e partisë tjetër. Është arritur marrëveshja që fushata zgjedhore për kandidat të përbashkët për kryetar komune do të realizohet bashkërisht në përputhje me strategjinë e përbashkët të fushatës zgjedhore për kryetar komune dhe për realizimin e saj dy partitë formojnë trup të përbashkët koordinues. Në komunat ku AKR dhe LDD marrin përgjegjësi për qeverisje, përgjegjësitë do të ndahen në mënyrë të barabartë ndërmjet të dy partive. LDD dhe AKR sot po demonstrojnë një kapacitet të ri, janë në gjendje me i përafrua programet ne vizionin e përbashkët që e kanë, tha me ketë rast kryetari i LDD, akademik Nexhat Daci.
"Për të demonstruar se në Kosovë ka subjekte politike që dinë dhe duan ta respektojnë kushtetutshmërinë. Ma te respektuarin Behgjet jemi gjatë edhe para futjes në Parlament, në respektimin e vlerave që i respektojmë njëri dhe tjetri", tha akademik Daci. Kryetari Daci tha se behët fjalë për një marrëveshje për të cilën kanë filluar të bisedojnë shumë herët edhe para këtyre zgjedhjeve dhe ajo "ka për qëllim rrugëtimin e përbashkët në sukses. Shpresoj se në këtë rrugëtim do të na bashkëngjiten edhe të tjerët".
Ndërkaq kryetari i AKR-së Behgjet Pacolli ka deklaruar se marrëveshja është implementim i idesë së tij të kamotshme që të punojnë dhe të janë unik dhe të mos formojnë parti regjionale.
"Jam jashtëzakonisht i kënaqur sot që më mikun tim, njeriun që e kam respektuar dhe e respektoj, akademikun Nexhat Daci kam arritur të kam një marrëveshje të tillë", ka thënë Pacolli.
Pacolli vlerësoi se kjo marrëveshja do ta forcoj bashkimin e dy partive dhe do te ndikoj në punën për shtetin, popullin dhe ardhmërinë e Kosovës, thuhet në kumtesën e lëshuar nga Zyra për informim pranë LDD-së. (http://www.rtklive.ch)
www.voal-online.ch
|