Qafa e Kolçit ishte barrikada e parë antikomuniste. Ndërsa sot Nikaj-Merturi është krahinë e shkretë.
Njerëzit kanë ikur, shihni shtëpitë, si janë duke u shembur, gjithçka po rrënohet.
Kësaj i thonë: "SHËMBE SHTËPINË TËNDE, TË NDËRTOSH SHTËPITË E TË TJERËVE". Ja pra njerëzit ikën nëpër botë, punojnë për të ndërtuar shtëpitë e të tjerëve e të tyre po rrënohen, i ka mbuluar bari e ferrat. Ka aq shumë për të thënë, sa do duheshin faqe librash për ta përshkruar. Këto foto m'i dërgoi një kushëri imi, i cili kishte bërë këto ditë një vizitë në këto vende, sot të shkreta.
E falenderoj nga zemra për këto foto, unë i quajta dhuratë, në sensin e dëshirës së madhe që ai e di se unë i dua malet e mia të fëmijërisë.
PO NESËR
Një "dhuratë" sot mora
Kur postën hapa.
Koha po ikën
Por çfarë po len mrapa.
Shikoni këto foto
Ish një kullë atje
Në majë të maleve.
Janë dy kohë
Dje ...Sot...!!!
Po nesër???
KRONI I VORRIT TË FRATIT
Kroni, në ëndrrën e një nate
Më zgjoi.
Në ballë më shkruajti
Me ngjyrat e malit,
E putha gurrën e ftohtë
Me buzen e thatë.
Zef Mulaj
Këtë shkrim nuk e paraqita për nostagji... por për fatet e kësaj krahine Yllore një nga perlat e alpeve shqiptare dhe Europiane e më gjerë.
Të mos i harrojmë, por të investohet që njerëzit t'i rikthehen kësaj bukurie mbasi sot nuk janë të detyruar të punojnë në kooperative, sot gjithçka është e lirë.
Hidrocentrali i Currajve (pamje nga jashtë)
Hidrocentrali i Currajve (pamje e brendshme)
Comments (0)
Dërgoja shokut
Printo
