VOAL - Online Zëri i Shqiptarëve - Prishtinë: Në shtator pritet vendosja e shtatores së Bill Klintonit

Shoqata "Miqtë e Amerikës", me manifestime të ndryshme do t'i shprehë falënderim popullit amerikan për kontributin e dhënë për çlirimin e Kosovës dhe rindërtimin e saj. Me mbështetjen e institucioneve të Kosovës dhe të donatorëve tashmë është përfunduar edhe shtatorja e ish-presidentit të SHBA-ve, Bill Clinton, e cila do të vendoset muajin shtator, kur pritet që në Prishtinë të vijë edhe ish-presidenti i Clinton.

Për shkak të disa pengesave administrative nga ana e KK të Prishtinës ende nuk është përcaktuar lokacioni i vendosjes së kësaj shtatoreje dhe ky manifestim, i paraparë të mbahet më 19 gusht, do të shtyhet për muajin shtator, kur pritet të vijë në Prishtinë edhe ish-presidenti i SHBA-ve, Bill Clinton, ka deklaruar sot në një konferencë me gazetarë, kryetari i Shoqatës "Miqtë e Amerikës", Agim Rexhepi.

Shtatorja e ish-presidentit të SHBA-ve Bill Clinton ka kohë që është përfunduar nga një skulptor i Shqipërisë dhe gjendet në Tiranë, duke pritur zgjidhjen e problemeve me komunën e Prishtinës lidhur me përcaktimin e lokacionit.