Bordi i Radiotelevizionit të Kosovës në mbledhjen e mbajtur dje u njoftua me dorëheqjen e parevokueshme të drejtorit të përgjithshëm të RTK-së, Agim Zatriqit, i cili e ka arsyetuar me motive personale....
Megjithatë, Bordi shpreh shqetësimin lidhur me arsyetimin e dorëheqjes, sipas të cilës ai e gjen "të pamundur të ushtrojë me përgjegjësi edhe më tutje detyrën e kreut të këtij institucioni".
Bordi i RTK-së i shpreh keqardhjen për dorëheqjen e parevokueshme të drejtorit të përgjithshëm, Agim Zatriqit, dhe i shpreh mirënjohjen e vet për angazhimin e tij në zhvillimin e këtij transmetuesi publik në vitet sa ka qenë drejtor i përgjitshmëm i RTK-së.
Bordi i RTK-së shpreh shqetësimin e vet lidhur me pasigurinë financiare që e përcjellë punën e RTK-së, pasi që kontrata për parapagim me KEK-un skadon në fund të muajit nëntor të këtij viti dhe ende nuk ka shenja se ajo do të vazhdohet. Nga ana tjetër, edhe vendimi i Komisionit të Pavarur të Medias për ndalimin e transmetimit të reklamave në orët e mëngjesit dhe të mbrëmjes e cila praktikisht ndalon plotësisht reklamimin dhe është në kundërshtim me Ligjin për RTK ku thuhet se ky hap mund të ndërmiret vetëm aëtherë kur të sigurohet siguria financiare e RTK-së. Meqense kjo gje nuk ëhstë arritur ky hap dhe jetë një goditje e rëndë për RTK-së, sepse në atë rast privohet nga një sasi mjetesh që janë të domosdoshme për zhvillimin e veprimtarisë normale të RTK-së. Në këtë kontekst, Bordi i RTK-së shprehë shqetësimin edhe lidhur me inicimin e procedurave gjyqësore në Gjykatën Kushtetuese, lidhur me gjoja se kushtetutshmërinë e parapagimit, meqë kjo formë e mbledhjes së mjeteve është standarde për praktikat e transmetuesve publikë kudo të Europë.
Në këto rrethana të zhvillimeve të pafavorshme, të cilat rrezikojnë pavarësinë editoriale të RTKsë, Bordi apelon te Kuvendi i Kosovës që sa më shpejt të emërojë anëtarët e rinjë të Bordit të RTK-së.
Bordi i RTK-së ka emëruar ushtrues detyre të drejtorit të përgjithsëm të RTK-së, Antonio Gashin, deri në zgjedhjen e drejtorit të përgjithshëm nga ana e Bordit të ri të RTK-së. (http://www.rtklive.com)
Comments (0)
Dërgoja shokut
Printo
