ARBËNOR DEHARI, AKTIVIST I VETËVENDOSJES - NDËRROI JETË TRAGJIKISHT
E Mërkurë, 06.11.2014, 04:11pm (GMT+1)
 Lëvizja Vetëvendosje, përmes një komunikate për shtyp ka thënë se me pikëllim të thellë ka marrë lajmin se sot tragjikisht, në moshën 28 vjeçare ndërroi jetë aktivisti i Lëvizjes Vetëvendosje, Arbënor Dehari.
"Arbënori rrjedh nga një familje patriotike me prejardhje nga Kumanova. Ai ishte aktivist i devotshëm i Lëvizjes Vetëvendosje, që nga vitet e para të formimit të saj, duke marrë pjesë në shumë aktivitete, aksione, protesta dhe demonstrata. Ka qenë i ngarkuar me detyra konkrete dhe përgjegjësi brenda Lëvizjes, duke qenë me vite anëtar i Sekretariatit Për Media dhe Komunikim të Lëvizjes Vetëvendosje", thuhet në komunikatën për shtyp të VV-së.
"Prej vitit 2012, i ndjeri ka qenë sekretar organizativ i Qendrës së Lëvizjes Vetëvendosje në Prishtinë, duke qenë ndër aktivistët kryesorë dhe më meritorë në fushatën e LVV-së, si në zgjedhjet lokale ashtu edhe në ato të përgjithshme", thuhet më tej aty.
Vetëvendosje thotë se vdekja e tij është humbje e madhe si për familjen po ashtu edhe Lëvizjen, teksa shton se në këto moment të rënda, "shprehim ngushëllimet më të sinqerta familjarëve, miqve, dashamirëve dhe aktivistëve të Lëvizjes Vetëvendosje".www.voal-online.ch
|
Comments (0)
Dërgoja shokut
Printo
