VOAL - Online Zëri i Shqiptarëve - GAZETARJA E KA HEDHUR NË GJYQ KREUN E RADIOTELEVIZIONIT SHQIPTARLeka - Ma provoni se i kam thënë k**vë dhe jam gati t'i paguaj 130 miliardë euro

Debati mesa gazetares Enkeleda Zeko dhe drejtorit të komanduar të RTSH, Martin Leka është futur në një fazë të re. Pas lajmit të djeshëm të DITA se gazetarja ka hedhur në gjyq drejtorin, ishte ky i fundit që reagoi me një status në Facebook duke thënë se skuthet janë rraca më e qelbur që ka shpikur njerëzimi. Po po, drejtori! "Skuthet, kjo është rraca më e qelbur që ka shpikur njerëzimi (të paktën është një ndër to). Ky është qëndrimi im për sot!" shkruan Leka në Facebook. Kur atij i vendosin lajmin se është hedhur në gjyq ai bën një tjetër koment, i cili mohon se mund t'i ketë thënë gazetares Zeko, Ku..vë. "Hahahaha ça thu mo? Qenka interesante gjithë kjo idiotësi. Ma kishin thënë po e mora për budallallëk. Unë nuk i kam thënë kujt k**vë, ma provoni dhe jam gati të paguaj 130 miliardë euro. Botë çudirash, edhe skuthash"- sqaron Leka. Duke qenë se ne e kemi kapur statusin e drejtorit do të ishim të interesuar se përse e shkroi ai atë reagim dhe për pak sekonda e hoqi. Ishte status gabim apo i pamenduar mirë?! Më pas drejtori bëri dhe një kërcim për mediat që shkruanin rreth kësaj historie, se do t'i hedh në gjyq. "Lajme të çuditshme, po zbavitem shumë. "U pushua nga puna pak ditë më parë"-thonë! As është pushuar, madje as ndonjë masë tjetër ndaj saj nuk është marrë. Gjithsesi, vazhdoj të zbavitem, gjersa të hedh në gjyq ndonjërin e të kërkoj dëmshpërblim 1 (një) lek", shkruan z. Martin. Avash drejtor me këto gjyqet se atë që ke vuajt ti në kohën e Berishës mos na bëj ta vuajmë dhe ne...:)

Ku u ndie më shumë mungesa e Enkeleda Zekos këtë Botëror?!

Enkeleda Zeko, gazetarja dhe moderatorja e profilizuar për botën e sportit, e cila, sipas një lajmi ka hedhur në gjyq eprorin e tij, përfaqëson vërtet një model pa të dytë në gazetarinë sportive shqiptare të pas `90. E dominuar nga meshkujt, prezenca e saj prej vitesh në ekran si një femër e specializuar për botën e sportit, ishte padyshim një risi pozitive. Dhe sa për konfliktin e saj me një prej drejtuesve të RTSH, ato gjithsesi mbeten problematika të brendshme, jo gjithnjë plotësisht të njohura për publikun dhe plotësisht të mjaftueshme për të dhënë gjykime nëse njëri apo tjetri kanë të drejtë.