NË KUR MBAHET FORUMI KUSHTUAR DIMENSIONIT ITALIAN TË KONFEDERATËS ZVICERANE
E Shtunë, 01.25.2014, 10:07am (GMT+1)
Voal-online - Dy vjet pas krijimit të Liceut artistik të Zyrihut, mblidhet sot, e shtunë, në Kur në sallën e Këshillit të Madh të Graubyndenit Asamblea e Forumit për Italianin në Zvicër. Ky është një institucion i krijuar për "të bashkërenduar forcat e ndryshme të shpërndara në territorin zviceran në mbrojtje të kulturës dhe gjuhës italine", siç pati thënë me rastin e themelimit, presidenti i atëhershëm, këshillitari kombëtar Ignazio Cassis.
Mes temave për diskutim është emërimi i presidenti i Forumit, programi për vitin 2014, si dhe analiza e bërë gjatë vitit të shkuar. Të pranishmit duhet të miratojnë edhe statutin, ku në një nen thuhet: "Synimi i Forumit është përfshirja korrekte e italishtes brenda vitit 2020 në kuadrin e plurilinguzimit kushtetues të Zvicrës, çka duhet bërë realitet i mirëfilltë".
Në asamble përfaqësohen shoqata, ente e institute të ndryshme që merren me përparimin e italishtes në Zvicër. Mes tyre janë këshilltarët e Shtetit Martin Jäger për Graubyndenin e Manuele Bertoli për Tiçinon, ambasadori i Italisë në Bernë Cosimo Risi, presidenti i CORSI Luigi Pedrazzini si dhe këshilltarët kombëtarë Silva Semadeni e Ignazio Cassis.www.voal-online.ch
|
Comments (0)
Dërgoja shokut
Printo
