VOAL - Online Zëri i Shqiptarëve - Botohet në Itali "Gjenerali i ushtrisë së vdekur"

Voal-online Lufta në Shqipëri ka mbaruar. Një gjeneral dhe një prift nisen nga Italia. Misioni i tyre risjellja e trupave të ushatarakëve të mbetur në tokën e huaj. Mjegull, erë, shi, tokë e ashpër për t'u gërmuar. Nëna e vejusha me mijëra që presin në shtëpi. Prej njëzet vjetësh. Kthimi i të vdekurve është plot ankth, si pritja e të gjallëve. Një procesion njerëzish në shtëpinë e gjeneralit në prag të nisjes. E kam varrosur mikun tim më të mirë me duart e mia prapa kishës. Ma sill në shtëpi, gjeneral. Im bir, i vetmi që kisha, është varrosur atje. Më thuaj me cilin ka folur për herë të fundit, kush i ka dhënë ujë të pijë për herë të fundit, kush ia ka mbyllur sytë për herë të fundit. Është atje, në Stalingrad. Zonja ime e dashur, unë shkoj në Shqipëri, jo në Rusi. Ma sill në shtëpi, të lutem, gjeneral. Gjeneralët e tjerë sollën disfatën, ky gjeneral në kohën e paqes do të ndërmjetësojë. Por nuk mund të rrëmosh në të kaluarën pa pasoja. Nuk mund të përkushtohesh për të gjithë e të lësh dike pas teje. Nuk mund të kthehesh në vendin armik duke menduar se urrejtja ka marrë fund. Popujt që përjetojnë historinë kanë në kujtesë gjithçka. Kanë në kujtesë çdo armik të vrarë, çdo mik të vrarë. Gjenerali do të risjellë në atdhe ushtrinë e tij, por të gjithë do të kalojnë në radhë para syve të tij pa shpresë fitimtarësh. Romani, kryevepër e Ismail Kadaresë, e cila iu kishte munguar prej vitesh italianëve, Il generale dell'armata morta, përktyer nga A. Donaudy, publikuar nga shtëpia botuese Longanesi, kushton 16 euro.