Britni fillon turin evropian në formë të mrekullueshme
E Premte, 06.05.2009, 08:30am (GMT+1)
Voal-online Ajo ia mbërrini prapë! Britney Spears e filloi turin e saj evropian në O2-Arena të Londrës duke u dëshmuar në formë të mrekullueshme. Në një kafaz cirku në fillim të shfaqjes së saj, për të shprehur titullin e turit dhe përmbajtjen e këngës përkatëse "Circus" (Cirk), një këngë hit tashmë, ajo bëri lëvizje elastike tejet spektakolare. Pastaj ajo vazhdoi me një nga hitet e tjera të saj, po nga albumi me të njëjtin titull, "Piece Of Me" (Pjesë e imja). Ajo shpërtheu në kërcime të shfrenuara gjatë interpretimit të këngës "Radar". Kështu ua hoqi përfundimisht dyshimin të gjithë adhuruesve të saj se rikthimi i saj nuk do të ishte sfidues si ata të mëparshmit. Tashmë është e qartë: Britni është rikthyer në formën e saj të përkryer fizike dhe shpirtërore. Pikat kulmore të mbrëmjes së koncertit të parë të turit të ri evropian të Britney Spears ishin mega hitet "Toxic" dhe "Hit Me Baby One More Time", këngë që publiku i shoqëroi gjatë gjithë kohës duke i kënduar bashkë me këngëtaren dhe duke i duartrokitur ato.
www.voal-online.ch
|