Emërimi i fundit në qeverinë franceze kaloi thuajse pa rënë në sy, fshehur mes radhëve të komunikatave zyrtare. "Patrik Zelnik është ngarkuar për të studiuar format e reja të pagesës së evenimenteve kulturore në internet". Emri i tij nuk thotë asgjë, përveç faktit që Zelnik ka qenë producent i Karla Brunit, bashkëshortes së presidentit të Francës. Shtëpia e tij diskografike, në fakt e ka paraqitur Karlën si një këngëtare dhe ka shpërndarë disqet e saj. "Zgjedhja është bërë nga ministri i ri, Frederic Mitterrand, i zgjedhur nga bashkëshortja e Nikolas Sarkozisë", - shkruante dje "Nouvel Observateur", duke e gozhduar me keqdashje: "Sa i pavarur do të jetë mendimi i Zelnik"? Dhe, pyetja është retorike. Tashmë është e qartë se Karla Bruni nuk është një damë që thjesht organizon festat në kopsht dhe merr korrespondencën e Zonjës së Parë. Ndikimi i bashkëshortes së presidentit nuk llogaritet vetëm në detajet që "dekretuan" fundin e stilit "bling bling" të presidentit. Gjykimet e Karlitës, siç e quan bashkëshorti i saj, mund të bëjnë ose jo karrierë politike. Ka ngjarë me ish-ministren Rachida Dati dhe më pas me Georges-Marc Benamou, që ishte mes të preferuarve të Zonjës së Parë.
"Jam mik i Karlës, po ç'lidhje ka kjo", - është detyruar të justifikohet gazetari Philippe Val, sapo mori drejtimin e radio publikes "˜France Internartuonal'. "Ndikimi i saj është i madh, dëgjoj shumë atë që më thotë ajo. Reflektimet e saj rrisin shitjet, ky është mendimi im", - ka thënë Sarkozi për gruan e tij. Në Pallatin "˜Elize' ajo ka zyrën e Bernadette Chirac, por në fakt ka zgjedhur që më shumë të qëndrojë në shtëpi, duke ndjekur shembullin e Danielle Mitterrand. Rrethohet nga shumë pak këshilltarë besnikë. "Në përgjithësi ajo e refuzon mondanitetin". Roli, sidoqoftë, duket se i rri shumë për shtat. Ajo shfaqet e dashur dhe e nënshkrtruar ndaj burrit të saj, që e thërret "Kuku" dhe ëndërron të ketë prej tij një fëmijë. Sipas zërave, bebja do të vijë vitin e ardhshme, në prag të zgjedhjeve presidenciale në vend. Por, megjithatë, ajo është e aftë të shkelë të gjitha protokollet e të shkojë e vetme në samitin e G8-s në Akuila. Akoma më shumë: donte të shprehej kundër regjimin birman që vazhdon të mbajë në burg Aung San Suu Kyi, duke e bërë të ditur qëndrimin e saj para Ministrisë së Jashtme franceze.
"Kjo aftësi që ajo po shfaq është një kalim drejt presidencës", - shpjegon gazetari Yves Derai, që e ka intervistuar atë shumë herë. "Një prej akteve të para politike ishte emërimi i Bertrand Delanoe", - shton ai. Në një intervistë, kryebashkiaku i Parisit kishte krahasuar Sarkozinë me Berluskonin. "Ajo e qortoi sepse iu duk shumë i ashpër ndaj burrit të saj".
Zonja presidenti, siç e quajnë tani gjithë, ka një axhendë autonome. Në ditët në vijim ajo do të marrë pjesë në përkujtimin e protestave të periferive. Ndërsa bashkëshorti i saj do të pastrojë rrethinat me një "fshesë korrenti" gjigante për qytetet, ajo do të ngrejë aty akademi artistike. Ndërkohë, vazhdon të shkruajë këngë e të marrë pjesë në koncerte si ai i fundit në Nju Jork, për ditëlindjen e Mandelës. "Nuk do të heqë dorë nga karriera e saj artistike", - thotë gazetari. Ndoshta të jesh vetëm presidente, nuk mjafton.
Comments (0)
Dërgoja shokut
Printo
