VOAL - Online Zëri i Shqiptarëve - Ka vdekur Irving Penn, gjeniu i fotografisë

Voal-online Ka vdekur 92 vjeç në shtëpinë e tij në Manhattan Irving Penn, i cili, krahas Henri Cartier Bresson, është fotografi dhe artisti vizual më i rëndësishëm i Shekullit XX. Fillimisht Penn donte të bëhej aktor. Kur u bë 25 vjeç mori rrugën për në Meksikë ku filloi të pikturojë, por shpejt e kuptoi se nuk do të ishte kurrë një piktor i madh. U kthye në Nju Jork si ndihmës i Alexander Liberman, drejtor artistik i revistës së famshme Vogue. Por lidhja e tij me botën e artit vazhdoi dhe sot fotografitë e tij janë ekspozuar në muzeume dhe në koleksione private.

Në vitin 1048 realizoi disa shërbime për revistën në Peru, ndërsa në Vitet Pesëdhjetë fama e tij shpërtheu falë punëve të lidhura me botën e modës, sherbime të sofistikuara por gjithnjë tejet origjinale të cilët kanë krijuar shkollë. Në vitin 1967 Penn krijoi një studio të vogël fotografike udhëtuese, me të cilën kishte mundësinë të fotografonte mbi bazën e skenarëve të tij në çdo anë të botës dhe në çdo situatë: lindi kështu seria e famshme "Worlds In Small Room" që përzienin etnografinë me modën. Dhjetë vjet më vonë do të ekspozohej seria Street Material në Metropolitan Museum of Arts në të cilën Penn kishte fotografua realitete të rrugës. Vdekja e Pen u dha nga Peter MacGill, mik dhe zëdhënës. (http://www.repubblica.it)