TË KËRKOJ Nga PEDRO SALINAS
E Martë, 07.15.2014, 07:46am (GMT+1)
Të kërkoj. Jo në emrin tënd, nëse e thonë, jo në pamjen tënde, nëse e pikturojnë. Përtej, matanë, më tej.
Matanë teje të kërkoj. Jo në pasqyrën tënde, jo në fjalët e tua, as në shpirtin tënd. Më tej, edhe më tej.
Më tej dhe më tej, më përtej meje të kërkoj. Nuk je ajo që unë ndiej për ty. Nuk je ajo që pulson me gjakun tim në damarë, pa qenë aty unë. Matanë, më përtej të kërkoj.
Që të takohem me ty, të pushoj së jetuari në ty, dhe në mua, dhe në të tjerët. Të jetoj tashmë përtej gjithçkaje, nga ana tjetër e çdo gjëje - që të të kem takuar - sikur të ish për të vdekur.
Përktheu: SKËNDER BUÇPAPAJ
|