JAM NË VAZHDIM
Nga SINAN KËRPAÇI
E Mërkurë, 09.24.2014, 08:18am (GMT+1)
Me moshën gjysmëshekull
ndez sirena,
dal i flas adoleshencës sime,
kodër më kodër tund një zile
e balluken lart në yje.
Kush e dëgjon e njeh:
është zilja ime ajo që bie.
Me adoleshencën e në vazhdim
Jam një që lëviz e lëviz
nëpër yjet e qiellit tim,
jam dorë që e bën të fëshfërijë
një fustan që dua unë
dhe zbulon dy gjunjë.
Dy gjunjë që më ulin në gjunjë!
Jam unë ai - Juga që fryn
17 vjeç e në vazhdim
asaj e kësaj ane
balluketundur si gjithnjë
edhe me kokën tullace.SINAN KËRPAÇI
|
Comments (0)
Dërgoja shokut
Printo
