O UJK QË NA HA TË GJITHËVE
Nga SINAN KËRPAÇI
E Enjte, 12.11.2014, 09:54am (GMT+1)
Me qimet e ndritshme si argjend
sillesh somnambul nëpër gjumin tim
gojëhapur me plot dhëmbë ujku.
Zbrite nga malet dhe më ruan shtëpinë
që unë kur u çmenda e braktisa:
shtrihesh në krevatin tim si pasha,
dhe s`fle më nën lisa.
Nuk të dua, o zoti ujk në shtëpi,
s`të dua tek e kujtimeve dollibash,
aq më tepër të më nderesh dhe në shtat.
Sa më del gjumi me të zgjuarin flas :
po e marr çiften të mbushur, po iki në fshat...
Dhe do të qëlloj vërtet drejt e në mish
për të thënë fort: kur më kërkon shtëpinë
bëhem ujk, bëhem si ti, bëhem bishë.
Nga libri ne doreshkrim "PUTHJELODHURA"SINAN KËRPAÇI
|
Comments (0)
Dërgoja shokut
Printo
