UASHINGTON- Rreth gjysma e 214 milionë emigrantëve të regjistruar në vitin 2010 në botë ishin të krishterë dhe më tepër se një e katërta myslimanë, sipas një studimi të publikuar sot, që tregon se SHBA-ja ka pritur një në pesë emigrantë, nga të gjitha fetë.
Sipas "Besimit në Lëvizje", studimi i parë global mbi përkatësinë fetare të emigrantëve, kryer nga Instituti amerikan "Pew", 106 milionë persona ose 49 për qind ishin të emigrantë të krishterë kryesisht nga Meksika, Rusia dhe nga Ukraina.
Rreth 60 milionë ishin myslimanë, ose 27 për qind e numrit të përgjithshëm, të ardhur së pari nga Palestina, Pakistani, Bangladeshi dhe India, 11 milionë hindu, ose pesë për qind, shtatë milionë budistë, ose tre për qind dhe 3.6 milionë hebrenj, më pak se dy për qind.