|
NUK ËSHTË SE DËSHIROJ, POR NDJEJ Poezi nga ENDRI VELA
E Djelë, 03.14.2010, 05:33pm (GMT+1)
ZGAVRA
Zogu i mitur,
ra nga pema
e lartë!
Ndërsa nëna
e tij pendëkuqe
e kërkoi mes
pyllit,
të ndezur nga
gjelbërimi.
"Afrohu në zgavrën time."-iu
lut lepuri.
"Si foleja nuk është,
por do të mbaj ngrohtë."
vazhdoi lepuri.
BULËZA UJI
Në liqen
një bulzë
uji, rikujtonte
në trevat shqiptare:
kënaqësinë e
liqenit,
gjendjen e
turistëve aty
pranë, kryeneçësinë e
bulzës.
DËFRIMI
Deti,
mjet lundrimi
dhe lodrimi.
Pasi Dielli
fërkoi fortë
horizontin e gjerë, në buzë
mbrëmje, me
ngrohtësi, e lagështi, dy nuk
u puthën...
NDJEJ
Nuk është
se dëshiroj,
por ndjej.
Brenda
gjakut që
më rrjedh
në synimin
tim, ndjej,
të mbaj
nipin për dore.
ENDRI VELA
Autori është 26 vjeç. Ka mbaruar për Shkenca Politike në Itali. Në Itali ka botuar disa poezi ne italisht. Me tituj të shqipëruar: Yje në vazhdimësi.Tokësore. Trupi im. Shqiptar etj. Ka botuar edhe një libër të vetëm me titull "Fantastikët". Ka botuar 4 poezi në revistën "OBELISK", numri i marsit.Endri Vela
|
Comments (0)
Dërgoja shokut
Printo
