KËNGËTARI STEVIE WONDER KËRKON DIVORC
E Shtunë, 08.04.2012, 04:34pm (GMT+1)
Voal-online - LOS ANXHELOS, 4 GUSHT (Reuters) - Këngëtari veteran Stevie Wonder
ka kërkuar divorc nga gruaja e tij e dytë, dizajnere e modës së lartë Kai
Millard Morris, sipas aktpadisë së dorëzuar në Los Anxhelos dje.
Wonder, 62, emri i vërtetë i të cilit është Stevland Morris, përmendi ndryshime
të papajtueshme dhe tha se data e ndarjes së çiftit është tetori 2009.
Aktpadia e siguruar nga Reuters thotë se këngëtari i "Superstition"
kërkon përkujdesjen e përbashkët për dy djemtë e tyre, 10 vjeçarin Kailand dhe
shtatëvjeçarin Mandla.
Këngëtari, i cili është i verbër që në lindje, e firmosi aktpadinë me dy
gishtërinj dhe u pajtua të paguajë mbështetjen financiare për gruan dhe
fëmijët. Ai kërkoi gjithashtu që të gjitha fitimet pas ndarjes se çiftit, të përjashtohen
nga pasuria e përbashkët e tyre.
Wonder dhe Millard Morris u martuan në shtator 2001. Këngëtari ishte martuar më
parë me këngëtaren e grupit Motown, Syreeta Wright, nga 1970 deri më 1972, dhe
ka pasur disa marrëdhinie prej atëherë, nga të cilat ka shtatë fëmijë.
Stevie Wonder u bë i famshëm si fëmijë gjeni i muzikës në vitet 1960 dhe prejt
atëherë ka fituar 22 çmime Grammy dhe një çmim Grammy lifetime për veprën e
tij.
www.voal-online.ch
|