VOAL - Online Zëri i Shqiptarëve - FAHREDIN SPAHIJA PO MERR PJESË NË KONKURSIN E MADH TË LENS KULTURË

Fotografi ynë i njohur Fahredin Spahija po merr pjesë në konkursin e madh fotografik "Portrait Award 2015", të organizuar nga portal më i madh i fotografivë në botë Lens Culture, që do të zgjasë deri më 2 mars.

Në këtë konkurs artisti Spahija konkuron me portretin e emëruar "Pain" apo shqip "Dhembje", që është realizuar në dhjetor të vitit 2007 dhe paraqet dhimbjet dhe vuajtjet e mëdha që ka lënë lufta e fundit në Kosovë.

Për Kosovalive, Fahredin Spahija ka shpjeguar se në këtë portret shihet një grua e moshuar, e kapluar nga dhembja e madhe për vëllaun e rivarrosur, Malush Adem Spahiun, në varrezat e Mitrovicës bashkë me 11 të vrarë tjerë shqiptarë gjatë luftës në Kosovë.

Për artistin Spahija, pjesëmarrja në një garë të tillë, të organizuar ndërkombëtarisht ka rëndësi të madhe, duke shtuar se shqiptarët kanë dhënë kontribut të mahdë në zhvillimin e fotografisë botërore.

"Rëndësia promare është të jem pjesë e një konkursi të gjerë ndërkombëtar, pa asnjë pretendim. Fotografia tek shqiptarët kultivohet qysh nga viti 1858 dhe kjo tregon se ne ishim kontribues të denjë ë zhvillimin e fotografisë botërore. Pse të mos jemi edhe sot në mesin e vendeve të tjera, të cilat po i japin një shtytje modern këtij medium kaq të rëndësishëm kulturor e shkencor", ka thënë Fahredin Spahija për Kosovalive.

Është juria profesionale, e përbërë prej emrave eminent të fushës së fotografisë, ne vecanti portretin fotografik, që përzgjedh fotografitë konkuruese për këtë garë.

Philipe Prodger, që punon për National Portrait Gallery në Londër, Deborah Dragon, editore e fotografisë në revistën prestigjioze të Neë Yorkut, Rolling Stone Magazine si dhe Natalie Matutschovsky, editore e fotografisë në TIME Magazine të Neë Yorkut, janë vetëm tre nga anëtarët e jurisë, të cilet do të zgjedhin 25 finalistë nga mijëra fotografi konkurues nga me shumë se 145 shtete nga mbarë bota.

Emrat e 25 finalistëve do të jenë të njohur në fund të prillit kur mblidhet juria për të dhënë mendimin e tyre profesional.

Ndryshe, Fahredin Spahija është i lindur në vitin 1960, në fshatin Dvorcë të Shkupit, mirëpo që shkollimin fillor, të mesëm dhe atë universitar e kreu në Prishtinë. Ka magjistruar në degën e dizajnit grafik. Është i njohur për një numër të madh të ekspozitave personale dhe në grup, brenda dhe jashtë vendit. Spahija gjithashtu është fitues i cmimeve Çmimi vjetor i Artistëve Figurativë dhe Aplikativë të Kosovës, Çmimi i parë për fotografi në ekspozitën "Flaka e janarit" në Gjilan dhe Çmimi i parë për fotografi në ekspozitën "Dita e Prishtinës", në Prishtinë.