DioGuardi iu bëri thirrje të rinjve studentë republikanë që t'iu bëjnë thirrje të gjithë të rinjve amerikanë që ata të jenë në këto kushte më të predispozuar për të kuptuar krizën fiskale, e cila tani sipas tij "po kërcënon të ardhmen ekonomike të Shteteve të Bashkuara"

WASHINGTON D.C: Ditën e premte, në 29 korrik , në kryeqytetin e SHBA - Washington, DC, ish-kongresisti Joe DioGuardi i është drejtuar Konventës Kombëtare të Kolegjeve amerikane - anëtarëve të rinj, studentëve të partisë republikane. DioGuardi theksoi se kur të gjitha detyrimet e qeverisë federale janë të kontabilizuar, borxhi i vërtetë i Amerikës është mbi 60 trilion dollarë. Përveç kësaj, DioGuardi u bëri thirrje të rinjve studentë republikanë që t'iu bëjnë thirrje të gjithë të rinjve amerikanë që ata të jenë në këto kushte më të predispozuar për të kuptuar krizën fiskale, e cila tani sipas tij "po kërcënon të ardhmen ekonomike të Shteteve të Bashkuara".

"Borxhi kombëtar, i Shteteve të Bashkuara, theksoi ai me përjashtim të detyrimeve të paregjistruara dhe të pafinancuara për sigurimet shoqërore dhe Medicare janë të vlerësuar në 50 trilion dollar, dhe do të kalojnë edhe mbi 15 trilion të tjera deri në fund të këtij viti fiskal," thotë Dioguardi, i cili njihet mirë edhe si një ekonomist i certifikuar CPA dhe ish-Kongresist që ka përfaqësuar Westchester County, New York, për dy mandate (1985-1989). Aktualisht zoti DioGuardi është një avokat publik për përgjegjësi fiskale si dhe lider i organizatës "Besimit në Qeveri" -Truth In Government, një organizatë kjo jopolitike dhe joprofitabile.

Më tej DioGuardi foli për punën e tij me fondacionin që ai ka krijuar "Besimit në Qeveri" -Truth In Government dhe librin e ribotuar dhe riaktualizuar, librin që tani tha zoti DioGuardi po "udhëton" nëpër Amerikë për t'a promovuar edhe nëpër programet televizive kombëtare si Fox dhe CNBC. Ish - kongresisti republikan Jor DioGuardi pohojë se "qëllimi i tij është t'u kërkoj njerëzve të zgjohen - në mënryrë që amerikanët si vend i fuqishëm ekonomikisht të jetojnë brenda mundësive të tyre ekonomike, kështu që t'a shpëtojmë edhe botën nga një fuqi tjetër, thotë ai e cila nuk do të ishte aq demokratike sa Shtetet e Bashkuara të Amerikës", duke aluduar tek fuqia aktuale ekonomike e Kinës sot.

Së fundi, DioGuardi në këtë adresim bëri të qartë se rritja e nivelit të tavanit të borxhit sipas tij nuk ka bërë asgjë për të shmangur katastrofën ekonomike, por tha ai ka bërë vetëm atë që ekonomia e Shteteve të Bashkuara "është rivendosur në orën e rrezikshme" dhe ajo tashmë është një "bombë me sahat të kurdisur" për borxhin tonë kombëtar" u tha delegatëve të Konventës Kombëtare të Kolegjeve amerikane - të partisë republikane në Washington, DC . .

Joseph J. DioGuardi një ish - kongresist i Shtetet e Bashkuara, ish - kandidati republikan për senator në New York i cili humbi ne garen per senatin amerikan vitin e kaluar me senatoren Gillibrand, është prej dy dekdash kryetar i Lidhjes Qytetare Shqiptaro-Amerikane, i të pvetmit lob shqiptar i regjistruar në Washington thotë se po përpiqet të ndergjegjësojë amerikanët rreth borxhit të madh të jashtëm që kan SHBA, duke krijuar për këtë qëllim edhe një fondacion.