21.12.2011
Radio Evropa e Lirë
"‹"‹
Republika Çeke ka filluar periudhën triditore të zisë për Vaclav Havelin.
Ish presidenti çek vdiq të dielën në moshën 75 vjeçare.
Vaclav Havel, presidenti parimor
Dramaturgu dhe disidenti ka udhëhequr paqësisht "Revolucionin e Kadifenjtë" në vitin 1989, i cili i dha fund dekadave të regjimit komunist në Çekosllovakinë e atëhershme.
Mijëra çekë iu bashkuan marshit solemn nëpër rrugët e Pragës për të nderuar Vaclav Havelin.
Falënderojnë burrështetasin
Arkivoli me trupin e tij po transportohet për në Kështjellën e Pragës me një karrocë kuajsh, e cila ishte përdorur në vitin 1937 në funeralin e presidentit të parë çekosllovak, Tomas Masarik.
Në Kështjellën e Pragës, trupi i Havelit do të qëndrojë deri të premten, ditën kur edhe mbahet funerali shtetëror.
Nderime për Havelin
Mijëra njerëz kanë pritur me orë të tëra, për të shfaqur respektin para arkivolit të Havelit, ndërsa ai qëndroi në një ish kishë të Pragës që nga e hëna.
Liderë botërore kanë shfaqur respekt për Hvaelin, shumë nga të cilët e kanë quajtur figurë kryesore historike të shekullit 20.
Në përkujtim të Havelit
Haveli do të varroset në një funeral shtetëtor në Pragë të premten, ku pritet të marrin pjesë shumë liderë botërorë, në mesin e të cilëve edhe sekretarja amerikane e shtetit, Hillari Klinton.(a.i.)
(http://www.evropaelire.org)